1000х90.jpg (78 KB)

Երևանում՝ 11:07,   29 Մարտ 2024

Սերժ Թանկյանը ANCA-ի «People’s Champion» մրցանակի դափնեկիրն է

Սերժ Թանկյանը ANCA-ի «People’s Champion» մրցանակի դափնեկիրն է

ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Ամերիկայի հայ ազգային կոմիտեի (ANCA) արևմտյան վարչությունը հայտարարել է, որ ամերիկահայ երաժիշտ, քաղաքական ակտիվիստ, System of a Down ռոք-խմբի մենակատար Սերժ Թանկյանը հոկտեմբերի 7-ի կարժանանա կառույցի «People’s Champion (Մարդկանց չեմպիոն)» մրցանակին: Այս մասին հաղորդում է «Արմենպրես»-ը՝ վկայակոչելով ANCA-ի արևմտյան վարչության կայքը:

«Որպես հաջողակ երաժիշտ՝ Սերժ Թանկյանն օրինակելի դեր է կատարում՝ օգտագործելով իր ուժեղ և ազդեցիկ ձայնը Հայկական հարցը համաշխարհային մակարդակում ուշադրության արժանացնելու համար՝ իր խոսքը հասցնելով աշխարհասփյուռ իր միլիոնավոր երկրպագուներին: Հաշվի առնելով այս հարցով տարիների նրա ջանքերը, ինչպես նաև Հայաստանում Թավշյա հեղափոխության ընթացքում մարդկանց ոգևորելու նրա գործունեությունը՝ մենք հավատում ենք, որ Սերժ Թանկյանն իսկապես արժանի է դառնալու ANCA-ի « People’s Champion»,- ասել է  Ամերիկայի հայ ազգային կոմիտեի արևմտյան վարչության նախագահ Նորա Հովսեփյանը:

Այս մասին տեղեկանալով՝ Սերժ Թանկյանը հայտնել է իր երախտագիտությունը՝ նշելով. «Ինձ համար մեծ պատիվ է դառնալու ANCA-ի «People’s Champion» մրցանակի դափնեկիր լինելը: Ես այս կառույցի հետ տարիներ շարունակ աշխատել եմ՝ ի նպաստ Հայոց ցեղասպանության ճանաչման, և նրանց աշխատանքը համարում եմ ադյունավետ ու հաջողված: Մենք երկար ճանապարհ ենք անցել, ու ես լիովին հպարտ եմ մեր ձեռքբերումներով»:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]