ՀՀ ԱԳ նախարարն աշխատանքային այց կկատարի Կիպրոս
1 րոպեի ընթերցում
![ՀՀ ԱԳ նախարարն աշխատանքային այց կկատարի Կիպրոս](http://armenpress.am/resized/480/storage/images/articles/2024/07/26/XpTBFvgx1fViIHHabV3o6dkNOc3lEIa0apjtDCON.webp)
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: ՀՀ ԱԳ նախարար Արարատ Միրզոյանը հուլիսի 29-ին աշխատանքային այցով կգտնվի Կիպրոսում։
Ինչպես «Արմենպրես»-ին տեղեկացրին ՀՀ արտաքին գործերի նախարարությունից, կայանալու է նախարար Միրզոյանի և Կիպրոսի ԱԳ նախարար Կոնստանտինոս Կոմբոսի հանդիպումը, որից հետո նախարարները հանդես կգան մամուլի համար հայտարարություններով։
Ըստ աղբյուրի՝ Կիպրոսի ԱԳ նախարարի հրավերով Արարատ Միրզոյանը կմասնակցի և ելույթով հանդես կգա Կիպրոսի դիվանագիտական ներկայացուցչությունների ղեկավարների տարեկան համաժողովին:
Ծրագրված են նաև հանդիպումներ Կիպրոսի բարձրաստիճան այլ պաշտոնյաների հետ: