Կայացավ Հայաստանի լիբերալ կուսակցության հիմնադիր համագումարը
00:00, 16 Օգոստոս, 2008
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ (թղթ. Աննա Գզիրյան): ՀՀ կառավարության
նիստերի դահլիճում այսօր կայացավ Հայաստանի լիբերալ կուսակցության (ՀԼԿ)
հիմնադիր համագումարը: Կուսակցության նախաձեռնող խմբի ղեկավար Հովհաննես
Հովհաննիսյանը, ներկայացնելով նորաստեղծ քաղաքական ուժի ծրագիրը, նշեց, որ
գաղափարախոսության հիմքում ազատականությունն է: «Լիբերալ արժեքները մարդու եւ
պետության բարեկեցության հիմքն ենե,-նշեց նա: Կուսակցությունը գտնում է,որ
պետության բոլոր գործողություններում պետք է կարեւորվի մարդը, նրա շահերը,
հիմնարար ազատություններն ու իրավունքները: Հ. Հովհաննիսյանը ընդգծեց, որ
երկրում կուտակվել են բազմաթիվ խնդիրներ, պետության առջեւ ծառացել են լուրջ
մարտահրավերներ: Դրանց լուծման համար նա կարեւորում է տարբեր` հատկապես
իրավական, սոցիալական, պետական կառավարման բնագավառներում համակարգային
փոփոխությունների իրականացումը, ազատ, շուկայական, մրցակցային տնտեսական
համակարգի կայացումը, քաղաքացիական հասարակության ձեւավորումը եւ այլն:
Կուսակցությունը Հայասատանի ներքին եւ արտաքին խնդիրների լուծումը դիտարկում է
միմյանց հետ շաղկապված, որպես մեկը մյուսին փոխլրացնող եւ օժանդակող
գործոններ: Հ. Հովհաննիսյանը նշեց, որ իր նախաձեռնած քաղաքական ուժը մնալու եւ
գործելու է «Հայ ազգային կոնգրեսե-ի շրջանակներում:
Համագումարին ՀԼԿ նախագահ ընտրվեց Հ. Հովհաննիսյանը, հաստատվեց
կուսակացության կանոնադրությունը:
Համագումարին ողջույնի խոսքով հանդես եկան ՀՀ առաջին նախագահ Լեւոն-Տեր
Պետրոսյանը, «Հանրապետությունե կուսկացության առաջնորդ Արամ Սարգսյանը,
Հայաստանի ժողովրդական կուսկացության նախագահ Ստեփան Դեմերճյանը, այլք: Նրանք
մասնավորապես ողջունեցին ՀԼԿ-ի հիմնադրումը եւ հույս հայտնեցին, որ այն իր
գործունեությամբ բարիք կբերի ժողովրդին եւ քայլեր կկատարի երկրում
բարեփոխումներ իրականացնելու ուղղությամբ: