Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին
2 րոպեի ընթերցում

ՀՀ վարչապետ Նիկոլ Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին։
«Խորին ցավակցություն եմ հայտնում Թբիլիսիում տեղի ունեցած ողբերգական պայթյունի հետևանքով զոհվածների ընտանիքներին և շուտափույթ ապաքինում մաղթում բոլոր տուժածներին։ Հայաստանը համերաշխություն է հայտնում Վրաստանի կառավարությանը և ժողովրդին այս դժվարին պահին»,-«Արմենպրես»-ի հաղորդմամբ՝ X-ի իր էջում գրել է ՀՀ վարչապետ Նիկոլ Փաշինյանը։
I extend my deepest condolences to the families of those who lost their lives in the tragic explosion in Tbilisi & wish a speedy recovery to all those injured. 🇦🇲 stands in solidarity with the Government & people of 🇬🇪 during these difficult times.
— Nikol Pashinyan (@NikolPashinyan) November 20, 2026
Ավելի վաղ Հայաստանի արտաքին գործերի և միջազգային առևտրի նախարարությունը ևս ցավակցություն է հայտնել Թբիլիսիի Փոնիճալա թաղամասում տեղի ունեցած ողբերգական պայթյունի հետևանքով զոհվածների ընտանիքներին և հարազատներին՝ համերաշխություն հայտնելով եղբայրական Վրաստանի ժողովրդին։
Վրաստանի մայրաքաղաք Թբիլիսիի Փոնիճալա թաղամասում գտնվող բնակելի շենքում պայթյունը տեղի է ունեցել նոյեմբերի 19-ի առավոտյան։ Նախնական վարկածով՝ արտակարգ պատահարի պատճառը եղել է բնակարաններից մեկում գազի արտահոսքը։ Շենքը մասնակիորեն փլուզվել է: Պայթյունի հետևանքով 6 մարդ մահացել է։ Վրաստանում նոյեմբերի 22-ը հայտարարվել է Սգո օր։