Հայաստանի ԱԳՄԱ նախարարությունը ցավակցել է Թբիլիսիի Փոնիճալա թաղամասում պայթյունի հետևանքով զոհերի ընտանիքներին
2 րոպեի ընթերցում

Հայաստանի արտաքին գործերի և միջազգային առևտրի նախարարությունը ցավակցություն է հայտնել Թբիլիսիի Փոնիճալա թաղամասում տեղի ունեցած ողբերգական պայթյունի հետևանքով զոհվածների ընտանիքներին և հարազատներին։
«Արմենպրես»-ի փոխանցմամբ՝ այդ մասին գրառում է հրապարակվել ՀՀ ԱԳՄԱ նախարարության X-ի միկրոբլոգում։
We extend our deepest condolences over the tragic explosion in the Ponichala district of Tbilisi, which claimed lives. Our heartfelt sympathies go to the families and loved ones of the victims. We wish the injured a speedy recovery. At this difficult time, we stand in solidarity with the people of brotherly Georgia. @MFAgovge
— MFAIT of Armenia🇦🇲 (@MFAofArmenia) November 20, 2026
«Մեր խորին ցավակցությունն ենք հայտնում Թբիլիսիի Փոնիճալա թաղամասում տեղի ունեցած ողբերգական պայթյունի կապակցությամբ, որը մարդկային կյանքեր է խլել։
Մեր անկեղծ ցավակցություններն ենք հայտնում զոհերի ընտանիքներին և հարազատներին։ Վիրավորներին մաղթում ենք շուտափույթ ապաքինում։
Այս դժվար պահին մեր համերաշխությունն ենք հայտնում եղբայրական Վրաստանի ժողովրդին»,- նշված է ՀՀ ԱԳՄԱ նախարարության գրառման մեջ։
Վրաստանի մայրաքաղաք Թբիլիսիի Փոնիճալա թաղամասում գտնվող բնակելի շենքում պայթյունը տեղի է ունեցել նոյեմբերի 19-ի առավոտյան։ Նախնական վարկածով՝ արտակարգ պատահարի պատճառը եղել է բնակարաններից մեկում գազի արտահոսքը։ Շենքը մասնակիորեն փլուզվել է: Պայթյունի հետևանքով 6 մարդ մահացել է։ Վրաստանում նոյեմբերի 22-ը հայտարարվել է Սգո օր։