Բարձր տեխնոլոգիաներ

Դավիթ Թադևոսյանն ԱՄՆ-ում հանդիպել է Սթենֆորդի և Բերքլիի համալսարաններում սովորող հայ ուսանողների հետ

1 րոպեի ընթերցում

Դավիթ Թադևոսյանն ԱՄՆ-ում հանդիպել է Սթենֆորդի և Բերքլիի համալսարաններում սովորող հայ ուսանողների հետ

Հայաստանի բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանն ԱՄՆ կատարած աշխատանքային այցի շրջանակում Սթենֆորդի համալսարանում հանդիպել է Սթենֆորդի և Բերքլիի համալսարաններում սովորող հայ ուսանողների հետ։

«Արմենպրես»-ի փոխանցմամբ՝ այդ մասին Դավիթ Թադևոսյանը գրել է «Ֆեյսբուք»-ի իր էջում։

«Քննարկել ենք Հայաստանի տեխնոլոգիական զարգացման հեռանկարները, արհեստական բանականության և գիտահետազոտական ոլորտների հնարավորությունները, ինչպես նաև հայ երիտասարդների մասնագիտական ներուժը Հայաստանի զարգացմանը ծառայեցնելու ուղիները։

Առանձնահատուկ անդրադարձել ենք Հայաստանում կարճաժամկետ մասնագիտական պրակտիկաների, հետազոտական համագործակցության և ուսումն ավարտելուց հետո Հայաստան վերադառնալու հնարավորություններին։

Աշխարհի առաջատար համալսարաններում սովորող հայ երիտասարդների գիտելիքն ու փորձը կարևոր ներուժ են Հայաստանի տեխնոլոգիական զարգացման համար։ Մեր նպատակն է ընդլայնել նրանց ներգրավվածության և համագործակցության հնարավորությունները»,- գրել է նախարարը։

Կարդացեք հոդվածը` EnglishРусский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում