Միացյալ Նահանգներ

Դավիթ Թադևոսյանն ԱՄՆ-ում հանդիպել է ամերիկյան վերլուծական կենտրոնների և փորձագիտական շրջանակների ներկայացուցիչների հետ

1 րոպեի ընթերցում

Դավիթ Թադևոսյանն ԱՄՆ-ում հանդիպել է ամերիկյան վերլուծական կենտրոնների և փորձագիտական շրջանակների ներկայացուցիչների հետ

Հայաստանի Հանրապետության բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանը ԱՄՆ կատարած աշխատանքային այցի շրջանակում ՀՀ դեսպանատանը հանդիպել է ամերիկյան վերլուծական կենտրոնների և փորձագիտական շրջանակների ներկայացուցիչների հետ։

«Արմենպրես»-ի փոխանցմամբ՝ հանդիպման մասին նախարարը տեղեկացրել է «Ֆեյսբուք»-ի իր էջում կատարած գրառման միջոցով՝ մանրամասնելով, որ ներկայացրել է Հայաստանի տեխնոլոգիական զարգացման առաջնահերթությունները՝ արհեստական բանականություն, կիսահաղորդչային տեխնոլոգիաներ, հետազոտություններ և մշակումներ, կիբեռանվտանգություն և մարդկային կապիտալ։

«Քննարկել ենք նաև TRIPP նախագիծն ու «Խաղաղության խաչմերուկ» նախաձեռնությունը՝ որպես տարածաշրջանային կապակցվածության և տնտեսական համագործակցության նոր հնարավորություններ։

Պայմանավորվել ենք շարունակել փորձագիտական երկխոսությունը՝ ներգրավելով ամերիկյան մասնագիտական ներուժը Հայաստանի տեխնոլոգիական օրակարգում, բացահայտելով համագործակցության նոր ուղղություններ և ձևավորելով գործնական գործընկերություններ»,– գրել է Դավիթ Թադևոսյանը։ 

Կարդացեք հոդվածը` EnglishРусский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում