2 րոպեի ընթերցում
Բելառուսի նախագահ Ալեքսանդր Լուկաշենկոն պլանավորում է մոտ ժամանակներս բանակցություններ վարել ԱՄՆ-ի նախագահ Դոնալդ Թրամփի հետ:
«Արմենպրես»-ի փոխանցմամբ՝ նշվում է, որ Լուկաշենկոն այս մասին ասվել է Newsmax հեռուստաալիքին տված հարցազրույցում։
«Երկխոսության համար թեմաներն ավելի քան բավարար են», - ասել է Բելառուսի նախագահը։
Բելառուսի նախագահը պլանավորում է քննարկել ԱՄՆ-ի և Վենեսուելայի միջև հարաբերություններում ստեղծված իրադրությունը։
«Կարծում եմ, որ առաջիկայում մեզ կհաջողվի այս թեմայով խոսել Դոնալդ Թրամփի հետ։ Ես շատ հետաքրքիր բաներ ունեմ նրան ասելու», - նշել է Լուկաշենկոն։
Բացի այդ, նա հայտարարել է Վենեսուելայի նախագահ Նիկոլաս Մադուրոյին ընդունելու պատրաստակամության մասին՝ Վենեսուելայի նախագահի պաշտոնը թողնելու դեպքում։
«Մադուրոն երբեք մեր թշնամին կամ հակառակորդը չի եղել։ Եթե նա ցանկանա գալ Բելառուս, դռները նրա համար բաց են այստեղ», - պատասխանել է Լուկաշենկոն համապատասխան հարցին, հավելելով, որ Մադուրոյի հետ «կարելի է խոսել և պայմանավորվել»։
«Լիովին համոզված եմ, որ ԱՄՆ-ի բոլոր հարցերը, բոլոր ցանկությունները կարելի է այսօր լուծել միանգամայն խաղաղ ճանապարհով», - ասել է նա, ընդգծելով, որ «պատերազմը ոչ մի բանի չի հանգեցնի»։
Ինչպես հաղորդվել էր ավելի վաղ, 2025 թ. օգոստոսի 15-ին տեղի է ունեցել Լուկաշենկո–Թրամփը հեռախոսազրույցը. որի ժամանակ երկու երկրների ղեկավարները պայմանավորվել են շարունակել շփումները։