Թրամփը հայտարարել է, որ չի զղջում Իրանի դեմ պատերազմ սկսելու համար

ԱՄՆ նախագահ Դոնալդ Թրամփը հայտարարել է, որ Իրանի դեմ ռազմական գործողություն իրականացնելու վերաբերյալ որոշումն իր լավագույն որոշումներից մեկն էր։ «Արմենպրես»-ի փոխանցմամբ՝ այս մասին նա ասել է լրագրողների հետ զրույցում, որի տեսանյութը տարածել է Սպիտակ տունը:

Լրագրողը Թրամփին հարց է ուղղել՝ արդյոք նա զղջում է Իրանի դեմ պատերազմ սկսելու համար։

«Կարծում եմ՝ դա մեր ընդունած լավագույն որոշումներից մեկն էր։ Մենք թույլ չտվեցինք, որ Իրանը միջուկային զենք ունենա», - հայտարարել է Թրամփը:

Նա նաև նշել է, որ Վաշինգտոնը բանակցություններ չի վարում Թեհրանի հետ։

«Ո՛չ, կարծում եմ՝ մենք բանակցություններ չենք վարում։ Այսպես թե այնպես, շատ շուտով ինչ-որ բան տեղի կունենա։ Շատերը կարծում են, որ դա կլինի ընտրություններից հետո։ Տեսնենք՝ ինչ տեղի կունենա», - ասել է նա։

ԱՄՆ-ում Կոնգրեսի միջանկյալ ընտրությունները նշանակված են նոյեմբերի 3-ին։