Վախճանվել է ՀՀ պաշտպանության նախարարության հակաօդային պաշտպանության
զորքերի պետ, ՀՕՊ վարչության պետ, գեներալ-մայոր Արարատ Համբարյանը
00:00, 19 Հունվար, 2009
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Այսօր` 59-րդ տարեկանում կյանքից
վաղաժամ հեռացել է ՀՀ պաշտպանության նախարարության հակաօդային պաշտպանության
զորքերի պետ, ՀՕՊ վարչության պետ, գեներալ-մայոր Արարատ Խաչիկի Համբարյանը:
Արարատ Համբարյանը ծնվել է 1950թ. սեպտեմբերի 16-ին`Չինաստանի
Ժողովրդա-դեմոկրատական Հանրապետությունում, 1973թ. ավարտել է Մինսկի
բարձրագույն ինժեներական զենիթա-հրթիռային զինվորական ուսումնարանը, 1981-ին`
ԽՍՀՄ ՀՕՊ ռազմական ակադեմիան, իսկ 1990թ.-ին` ԽՍՀՄ ԶՈւ ԳՇ ռազմական ակադեմիան:
1967-1992թթ. ծառայել է ԽՍՀՄ զինված ուժերում, 1992-1998թթ.` ՌԴ զինված
ուժերում` զբաղեցնելով մի շարք պատասխանատու պաշտոններ:
1998թ-ից Արարատ Համբարյանը ծառայում է ՀՀ զինված ուժերում: 2003թ.
ՀՀ նախագահի հրամանագրով նրան շնորհվել է «գեներալ-
մայորե զինվորական կոչում:
Գեներալ Ա.Համբարյանի ներդրումը մեծ է եղել ՀՀ զինված ուժերում ՀՕՊ
համակարգի մակարդակի բարձրացման, երիտասարդ մասնագետների մասնագիտական
պատրաստության եւ զինված ուժերի կայացման ու կատարելագործման գործում:
Ա.Համբարյանը պարգեւատրվել է «Մարտական ծառայությունե, «Մարտական
ընկերակցության ամրապնդման համարե, «Հայրենիքին մատուցած ծառայությունների
համարե 2-րդ աստիճանի, «Մարշալ Բաղրամյանե, «Համագործակցության ամրապնդման
համարե պետական եւ գերատեսչական մեդալներով, ինչպես նաեւ ԽՍՀՄ մեդալներով եւ
շքանշաններով: Բազմիցս խրախուսվել է շնորհակալագրերով ու պատվոգրերով:
ՀՀ պաշտպանության նախարարությունից հայտնում են, որ գեներալ
Ա.Համբարյանի հոգեհանգստի արարողությունը տեղի կունենա այսօր, ժամը 1900-2000
(Հասցեն` ք.Երեւան, Բաբայան 15, բն.16): Հանգուցյալին վերջին հրաժեշտի
արարողությունը` հունվարի 20-ին, ժամը 1200-1400` Երևանի Գ.Սունդուկյանի անվան
պետական ակադեմիական թատրոնում: