«Մունդիալ-2018»-ից առաջ. Ասիական «վագրերը» ԱԱ-ում. ՀԱՐԱՎԱՅԻՆ ԿՈՐԵԱ
5 րոպեի ընթերցում
![«Մունդիալ-2018»-ից առաջ. Ասիական «վագրերը» ԱԱ-ում. ՀԱՐԱՎԱՅԻՆ ԿՈՐԵԱ](http://armenpress.am/resized/480/static/news/b/2018/06/936348.jpg)
ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի առաջնությանը մասնակցող ասիական հավաքականների շարքում լավագույններից մեկը Հարավային Կորեայի Հանրապետության թիմն է: Ռուսական մունդիալը«վագրերի» համար թվով 10-րդն է: Սա ամենաշատ մասնակցությունն է ասիական մայրցամաքի թիմերից:
Պատմական ակնարկ
«Վագրերն» առաջին անգամ մունդիալին մասնակցել են 1954 թվականին: Այդ ժամանակ հայտնվելով երկրորդ խմբում` կորեացիները պարզապեսխաղերը զիջեցին մրցակիցներին: Երկար ընդմիջումից (մոտ 32 տարի) հետո` 1986 թվականին կորեացիներին հաջողվեց մասնակցել ԱԱ-ի որակավորման փուլին և նվաճել մասնակցության իրավունք: Այս և հետագա 4մունդիալներում «վագրերը» կարողանում էին հաղթահարել միայն որակավորման փուլի արգելքները, բայց, միևնույն է, խմբից առաջ չէին գնում:
2002 թվականի կորեա-ճապոնական առաջնությունըմեծ հաջողություն բերեց «վագրերին»: Տան պատերի և սեփական երկրպագուների ներկայությունը կորեացիներին«ստիպեցին» հասնելու մինչև կիսաեզրափակիչ: Եզրափակիչի ուղեգիրը նվաճելուհամար նրանք մրցեցին Գերմանիայի հավաքականի հետ: Հանդիպման75-րդ րոպեին Միխեիլ Բալաքի խփած գնդակը աշխարհի եռակի չեմպիոն գերմանացիներին դուրս բերեց եզրափակիչ փուլ: Երրորդ տեղի համար պայքարում կորեացիները զիջեցին թուրքերին և զբաղեցրին ընդամենը4-րդ տեղը: Այս հաջողությունը դեռևս միակ լուրջ ձեռքբերումն է, որին հասել են հարավկորեացիները: Հաջորդ ԱԱ-ներում «վագրերը» կամ հաղթահարում էին որակավորման փուլը, բայց մնում էին խմբում, կամ էլ խմբային փուլից հետո կանգ էին առնում: Աշխարհի 2014 թվականի առաջնությունը Կորեայի համար հաջող չես համարի: Թիմը խմբային փուլում զբաղեցրեց վերջին հորիզոնականը:
Ճանապարհ դեպի Ռուսաստան
Կորեայի հավաքականը որակավորման փուլում ասիական շրջանում ընդգրկված էր A խմբում և 10 խաղից 4-ում հաղթեց, 3-ական խաղում պարտվեց և ոչ-ոքի խաղաց: Հավաքելով 15 միավոր՝ թիմը խմբում գրավեց 2-րդ տեղը և իրավունք ստացավ մասնակցելու մունդիալին:
Խումբը, հնարավորությունները, մրցակիցները
Կորեացիների համար խումբը բավականին բարդ է: Նրանց բաժին են ընկել թիմեր, որոնք «կռվելու են» յուրաքանչյուր միավորի համար: Մունդիալը «վագրերի» համար կմեկնարկի հունիսի 18-ին Շվեդիայի հետ խաղով: Հունիսի 23-ին կմրցեն Կորեան և Մեքսիկան: Եվ խմբի ամենաբարդ խաղում հունիսի 27-ին նրանք կմրցեն աշխարհի գործող չեմպիոն Գերմանիայի հավաքականի հետ:
Հավաքականը
Հարավկորեացիները Ռուսաստան կժամանեն հետևյալ կազմով. դարպասապահներ՝ Կին Սին Գյու («Վիսել Կոբե»), Կիմ Չժին Հյոն («Սերեսո Օսակա»), Չո Հյուն Վ («Տեգու»), պաշտպաններ՝ Կիմ Են Գվոն (Գուանչժոու Էվերգրանդ), Չան Հեն Սու («Տոկիո»), Չոն Սին Հեն («Սագան Տոսու»), Հուն Են Սոն («Սոնամ»), Պրո Բան Սուկ («Չեջու Յունայթեդ»), Կիմ Մին Ու («Սանջու Սանմու»), Պակ Չու Հո («Ուլսան Հյոնդե»), Հոն Չհոլ («Սանջու Սանմու»), Դո Է Հան («Սեուլ»), Լի Են («Չեջու Յունայթեդ»), կիսապաշտպաններ. Կի Սոն Են («Սուոնսի Սիթի»), Չոն Վ Էն («Վիսել Կոբե»), Չու Էտո Չոն («Ասան Մուգունհուա»), Կու Ջա Չհոլ («Աուգսբուրգ»), Լի Ջե Սոն («Չոնբուկ»), Լի Սին Ու («Վերոնա»), Մուն Սոն Մին («Ինչհոն Յունայթեդ»), հարձակվողներ՝ Կին Շին Վուկ («Չոնբուկ»), Սոն Հին Մին («Տոտենհեմ»), Հվան Հի Չհան («Զալցբուրգ»):
Կորեացիների առաջատարը անգլիական «Տոտենհեմի» ֆուտբոլիստ Սոն Հին Մինն է: Վերջինս ազգային ընտրանու կազմում անցկացրել է 61 խաղի, և Կորեան մեծ հույսեր է կապում Մինի հետ:
Կորեան ՖԻՖԱ-ի դասակարգման աղյուսակում 61-րդ տեղում է:
Կազմեց Վարվառա Հայրապետյանը
A խումբ
B խումբ
C խումբ
D խումբ
E խումբ
F խումբ