ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Պերուն ֆուտբոլի աշխարհի այս առաջնությունում բարդ խմբում չէ, բայց մրցակցության պակաս չի զգա: Խմբային փուլից դուրս գալու «կարմրասպիտակներին» հարկավոր է գոնե չպարտվել Ֆրանսիային, նաև հաղթել Դանիային, կամ Ավստրալիային:

Պատմական ակնարկ…

Ֆուտբոլի Պերուի ազգային թիմը կազմավորվել է 1927 թվականին: Պերուական ֆուտբոլի հաջող շրջան է համարվում 1930-70-ական թվականները: Պերուի ազգային ընտրանին երկու անգամ հաղթել է «Copa America»-ում (1939, 1975): Իսկ ահա ֆուտբոլի աշխարհի առաջնություններում հարավամերիկյան թիմը մասնացել է 4 անգամ: Առաջին անգամ 1930 թվականի անդրանիկ Մունդիալում Պերուն պարզապես տապալեց ամբող մրցաշարը` ոչ միայն հաղթանակեր չտոնելով, այլ երկու հանդիպումն էլ խմբային փուլում ավարտեց պարտությամբ: Մեքսիկայի 1970 թվականի առաջնությունում Պերուն 4-րդ խմբում զբաղեցրեց 2-րդ տեղը, սակայն փլեյ-օֆֆ փուլում պարտվեց ապագա չեմպիոն Բրազիլիայի ազգային թիմին:8 տարի անց` 1978 աշխարհի առաջնությունում, դուրս եկավ խմբից, սակայն նորից պարտվեց ապա չեմպիոնների` արգենտինացիներին:Եվ վերջին Մունդիալը, որին «կարմրասպիտակները» մասնակցել են հեռավոր 1982 ԱԱ-ն էր, որտեղ իսպանական դաշտերը կրկին անհաջող էին: Խմբային փուլում թիմը միայն վերջինն էր: Պերուի ազգային հավաքականը 6 անգամ նվաճել է Հարավային Ամերիկայի գավաթի խաղարկության բրոնզե մեդալները: «Բոլիվարական խաղերի» 6-ակի հաղթող է: Պերուի թիմում ռեկորդային հանդիպումներ անցկացրել է Ռոբերտո Պալասիրոն, ով 127 խաղում խփել է 19 գոլ:

Ճանապարհ դեպի Ռուսաստան…

«Կարմրասպիտակներին» Ռուսաստանը մեկնելու ուղեգիրը հեշտ չտրեց: Հարավամերիկյան որակավորման փուլում Պերուն 18 խաղում հաղթեց 7-ում, 6-ում պարտվեց և միայն 5-ն ավարտելով ոչ-ոքի խմբում զբաղեցրեց 5-րդ տեղը` ստիպված լինելով մասնակցել անցումային խաղերին: Պերուն, մրցելով Նոր Զելանդիայի թիմի հետ, երկու խաղերի 2:0 հաշվով հաղթեց և ստացավ բաղձալի ուղեգիրը:

Խումբը, հնարավորությունները, մրցակիցները…

Պերուն Մունդիալում ընդգկրվել է C խմբում և փորձելու է հաղթել Ֆրանսիային, Ավստրալիային և Դանիային: Հարավամերիկացիները աշխարհի առաջնության առաջին խաղը կանցկացնեն Սարանսկում` մրցելով Դանիայի հետ: Հաջորդիվ` հունիսի 21-ին կխաղան Ֆրանսիան և Պերուն, իսկ Սոչիի «Ֆիշ» մարզադաշտում խմբի վերջին խաղում Պերուն կփորձի գերազանցել Ավստրալիային:

Հավաքականը…

«Կարմրասպիտակները» 21-րդ առաջնության ներկայացրել են հետևյալ հայտացուցակը` դարպասապահներ. Պեդրո Գալեսե («Վերակրուս»), Խոսե Կարվալյո («Ունիվերսիտարիո»), Կարլոս Կասեդա («Ունիվերսիտարիո»): Պաշտպաններ. Լուիս Աբրամ («Վելես Սարսֆիլդ»), Լուիս Ադվինկուլա («Լոբոս»), Միգել Արաուխո («Ալյանսա Լիմա»), Ալդո Կորսո («Ունիվերսիտարիո»), Նելսոն Լոյոլա («Մելգար»), Կրիստիան Ռամոս («Վերակրուս»), Ալբերտո Ռոդրիգես («Աթլետիկո Խունիոր»), Անդերսոն Սանտամարիա («Պուեբլա»), Միգել Տրաուկո («Ֆլամենգո»): Կիսապաշտպաններ. Պեդրո Ակինո («Լոբոս»), Վիլդեր Կարտախենա («Վերակրուս»), Կրիստիան Կուեւա («Սան Պաուլու»), Էդիսոն Ֆլորես («Օլբորգ»), Պաոլո Ուրտադո («Վիտորիա»), Սերխիո Պենիա («Գրանադա Բ.»), Անդի Պոլո («Պորտլենդ»), Ռենատո Տապիա («Ֆեյենորդ»), Յոսիմիր Յոտուն («Օռլանդո Սիթի»): Հարձակվողներ. Պաոլո Գերերո («Ֆիամենգո»), Անդրե Կարիլիո («Բենֆիկա»), Ռաուլ Ռուիդաս («Մորելիա»), Ջեֆերսոն Ֆարֆան («Լոկոմոտիվ»):

Պերուի ազգային թիմը 2015 թվականից մարզում է արգենտինացի ֆուտբոլիստ Ռիկարդո Գարեկան: Հարավամերիկացիները մեծ ակնկալիքներ ունեն Գարեկանից: Պերուն խմբից դուրս գալու միջին հնարավորություն ունի, նույնքան, որքան Դանիան, բայց առավել շատ, քան Ավստրալիան:

ՖԻՖԱ-ի դասակարգման աղյուսակում Պերուն զբաղեցնում է 11-րդ տեղը:

Կազմեց Վարվառա Հայրապետյանը

 A խումբ

Ռուսաստան

Ուրուգվայ

Եգիպտոս

Սաուդյան Արաբիա 

B խումբ

Պորտուգալիա

Իսպանիա

Իրան

Մարոկկո

C խումբ

Ֆրանսիա

Ավստրալիա