1 րոպեի ընթերցում
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Ուղիղ եթերում կողոպտել են Հարավաֆրիկյան Հանրապետության SABC հեռուստաընկերության լրագրող Վույո Մվոկոյին: Միջադեպը տեղի Է ունեցել, երբ թղթակիցը ռեպորտաժ Էր վարում՝ գտնվելով Յոհաննեսբուրգի հիվանդանոցներից մեկի մերձակայքում, հաղորդում Է «Արմենպրես»-ը՝ հղում անելով Reuters-ին:
Լրագրողին են մոտեցել երկու տղամարդ, որոնցից մեկը զինված Է եղել ատրճանակով, եւ պահանջել են իերնց տալ ձեռքի հեռախոսը: Մվոկոն կատարել Է պահանջը, եւ հարձակվողներն անհետացել են:
Պատահարից հետո լրագրողը պատմել Է, որ ինքը նախ հրաժարվել Է տալ հեռախոսը, բայց հետո ստիպված Է եղել դա անել: «Հարձակվողներից մեկն իր հանցակցին ասել Է. «Կրակիր այս շան վրա», եւ ես ստիպված Էի նրանց տալ իմ հեռախոսը»,- պարզաբանել Է Մվոկոն:
Հարավային Աֆրիկայի խմբագիրների ասոցիացիայի ներկայացուցիչը հանդես Է եկել տեղի ունեցածի խիստ քննադատությամբ: Կազմակերպությունում հայտարարել են, որ կողոպտիչներն արդեն վաղուց են դարձել երկրի առօրյա կյանքի բաղկացուցիչ մասը, սակայն դեռ երբեք չեն հանդգնել լրագրողներից իրեր խլել ուղիղ եթերում: Քաղաքի ոստիկանության ներկայացուցիչները չեն մեկնաբանել միջադեպը: