ԱՄՆ-ում դեռահասը ողջ է մնացել՝ ընկնելով 30 մետրանոց ժայռից
1 րոպեի ընթերցում
![ԱՄՆ-ում դեռահասը ողջ է մնացել՝ ընկնելով 30 մետրանոց ժայռից](http://armenpress.am/resized/480/static/news/b/2023/08/1117384.jpg)
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Տասներեքամյա դեռահասը ողջ է մնացել՝ ընկնելով «Գրանդ կանյոն» ազգային պարկի 30 մետր բարձրությամբ ժայռից:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ն, այս մասին հայտնում է Associated Press-ը՝ հղում անելով տեղի իշխանություններին։
Ըստ ԶԼՄ-ների՝ Ուայաթ Քաուֆմանը ընտանիքի հետ ճանապարհորդելիս բարձրացել է «Գրանդ կանյոն» ազգային պարկի ժայռի վրա, սայթաքել և ընկել։
Ինչպես նշվում է, շտապօգնության խմբից երկու ժամ է պահանջվել տղային փրկելու համար։ Դեռահասին ինքնաթիռով տեղափոխել են Լաս Վեգասի հիվանդանոց՝ ինը կոտրված ողների, փայծաղի պատռվածքի, թոքերի վնասվածքի, ցնցումների, ձեռքի կոտրվածքի և մատի տեղաշարժի պատճառով: