ԱՄՆ-ում վախճանվել Է մեքսիկացի աշխարհահռչակ երգիչ Խուան Գաբրիելը
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Օգոստոսի 28-ին Սանտա Մոնիկայում (Կալիֆոռնիա, ԱՄՆ) 66 տարեկան հասակում սրտի նոպայից վախճանվել Է մեքսիկացի լեգենդար երգիչ, երաժշտական պրոդյուսեր եւ կոմպոզիտոր Խուան Գաբրիելը: Այդ մասին, ինչպես տեղեկացնում Է «Արմենպրես»-ը, հայտնել Է Մեքսիկայի Televisa հեռուստաալիքը:
Խուան Գաբրիելը (իսկական անունն Է՝ Ալբերտո Ագիլեր Վալադեզ) ծնվել Է 1950 թվականի հունվարի 7-ին: Նա համարվում Էր բոլոր ժամանակների մեքսիկացի մեծագույն կոմպոզիտորներից մեկը: Նա առանձնապես հայտնի Է Լատինական Ամերիկայում, եղել Է իսպանալեզու աշխարհի սիրեցյալը եւ քսաներորդ դարի վերջի Մեքսիկայի երաժշտական կյանքի խորհրդանիշներից մեկը:
Գաբրիելն ավելի քան 1000 երգերի հեղինակ Է, վաճառել Է ավելի քան 100 միլիոն ձայնագրություն, ունեցել Է ավելի քան 800 ելույթ ամբողջ աշխարհում: Նրա երգերը թարգմանվել են աշխարհի մի քանի լեզուներով, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում