Պենտագոնի ղեկավարը վերադարձել է պարտականությունների կատարմանը
1 րոպեի ընթերցում
![Պենտագոնի ղեկավարը վերադարձել է պարտականությունների կատարմանը](http://armenpress.am/resized/480/static/news/b/2024/05/1137936.jpg)
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ։ ԱՄՆ պաշտպանության նախարար Լլոյդ Օսթինը բարեհաջող անցել է միզապարկի խնդիրների հետ կապված բժշկական միջամտությունը և վերադարձել իր պարտականություններին: «Արմենպրես»-ի հաղորդմամբ՝ այս մասին հայտնել է Պենտագոնի մամուլի ծառայությունը։
Օսթինը Ուոլթեր Ռիդի ազգային ռազմական բժշկական կենտրոնում ենթարկվել է ոչ վիրաբուժական միջամտության: Ընթացակարգը տևել է երկուսուկես ժամ: Այդ ընթացքում Պենտագոնի ղեկավարի լիազորությունները փոխանցվել են նրա տեղակալ Քեյթլին Հիքսին։
Պենտագոնը նշել է, որ նախարարի ժամանակացույցում փոփոխություններ չեն նախատեսվում: