ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Հայաստանի բռնցքամարտի հավաքականի անդամ Ռաֆայել Հովհաննիսյանը հաղթանակով է մեկնարկել Թայլանդում ընթացող Օլիմպիական խաղերի վարկանիշային մրցաշարում:
«Արմենպրես»-ի հաղորդմամբ՝ Վենեսուելացի Դիեգո Պերերիային առաջին ռաունդում զիջելուց հետո հայ մարզիկը կարողանում է հավաքվել ու կամային հաղթանակ կորզել։
Ավելի վաղ վարկանիշային մրցաշարում մեկնարկային մենամարտերում հաղթանակներ էին գրանցել Արթուր Բազեյանը և Գուրգեն Մադոյանը: