368.54
ԱՄՆ-ն սկսել Է Սիրիայից ռազմական տեխնիկայի դուրսբերումը. CNN
1 րոպեի ընթերցում
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Վաշինգտոնը ձեռնամուխ Է եղել Սիրիայից ռազմական տեխնիկայի փոխադրմանը՝ այդ երկրից ամերիկյան զորքերի դուրսբերման պլաններին համապատասխան: Այդ մասին, ինչպես տեղեկացնում Է «Արմենպրես»-ը, հայտնել Է CNN հեռուստաալիքը:
Նրա աղբյուրների տեղեկությունների համաձայն՝ վերջին մի քանի օրվա ընթացքում «ցամաքային ռազմական տեխնիկայի» առաջին խմբաքանակը դուրս Է բերվել Սիրիայից: Հեռուստաալիքը չի ճշտել՝ ինչ կոնկրետ բեռների մասին Է խոսքը, ինչպես նաեւ այն, թե ուր եւ ինչ կերպ են դրանք փոխադրվել: Հրապարակման մեջ նշվում Է, որ, ինչպես սպասվում Է, ամերիկյան ուժերը նախ դուրս են բերվելու երկրի հյուսիսային մասից:
Հեռուստաալիքը արձանագրել Է, որ զորքերի դուրսբերման գործողության իրականացման գործում ղեկավար դերը հատկացված Է ԱՄՆ-ի զինուժերի Կենտրոնական հրամանատարությանը: Ավելի վաղ այնտեղ արդեն որշվել Է, թե ինչ նավեր, ինքնաթիռներ, ուղղաթիռներ եւ ցամաքային տեխնիկա Է մասնակցելու այդ գործընթացին: «Անհրաժեշտ միջոցների մեծ մասն արդեն գտնվում Է տարածաշրջանում»,- ասված Է նյութում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում