1 րոպեի ընթերցում
ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Բռնցքամարտի Հայաստանի հավաքականի անդամ, 31-րդ ամառային Օլիմպիական խաղերի մասնակից Արամ Ավագյանի հաջորդ մենամարտը պրոֆեսիոնալ ռինգում կկայանա մայիսի 19-ին:
«Արմենպրես»-ի հաղորդմամբ` Ավագյանը մենամարտելու է Էմմանուել Լոպեսի հետ (Մեքսիկա): Բռնցքամարտիկները պայքարելու են WBC International Silver գոտու համար: Մենամարտը կայանալու է Իսպանիայի Էլչէ քաղաքում մայիսի 19-ին բռնցքամարտի երեկոյի շրջանակում: Լոպեսը 37 մենամարտերից 28-ում հաղթանակ է տոնել:
Արամ Ավագյանը պրոֆեսիոնալ ռինգում անցկացրել է 7 մենամարտ, բոլորն ավարտելով հաղթանակով: