1 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Ադրբեջանի Գոյգելե շրջանի բնակիչ Այնուրա Գահրամանովան 2013-ին սպանել է իր ամուսնուն` Գիրիհլի Իլհամ Գահրամանովին և 4 տարի շարունակ թաքցրել նրա դին:
Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:
Գիրիհլի Իլհամ Գահրամանովը կնոջ հայտարարության հիման վրա կատարված որոնողական գործողություններից հետո` 2013թ. հունվարի 26-ից սկսած, ոստիկանության կողմից հայտարարվել էր անհետ կորած:
Կինն ամուսնու դին թաղել է իրենց բակում գտնվող ախոռի հարևանությամբ:
Մահացածի դին ուղարկվել է դատաբժշկական փորձաքննության, դեպքի հետ կապված հետաքննությունը շարունակվում է: