1 րոպեի ընթերցում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևն ընդունել է ԵԱՀԿ խորհրդարանական վերհաժողովի նախագահ Ռանկո Կրիվոկապիչի գլխավորած պատվիրակությանը: Ինչպես հաղորդում է «Արմենպրես»-ը, այս մասին տեղեկացնում է ադրբեջանական «ԱՊԱ» գործակալությունը:
Հանդիպմանը Կրիվոկապիչը Ալիևին տեղեկացրել է ԵԱՀԿ ԽՎ-ի գործունեության վերջին շրջանի մասին: Կողմերն անդրադարձել են նաև Լեռնային Ղարաբաղի հակամարտությանը, ինչպես նաև քննարկել միջազգային և տարածաշրջանային մի շարք հարցեր:
Բաքվում գտնվող Կրիվոկապիչն ավելի վաղ լրագրողներին հայտնել էր, թե Ուկրաինայում տեղի ունեցող իրադարձութունները ցույց տվեցին, որ պետք է լարված աշխատանք տանել և կարճ ժամկետներում լուծման հասնել ղարաբաղյան հիմնախնդրում: