1 րոպեի ընթերցում
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Արեւելաաֆրիկյան հանրակցության մեջ մտնող հինգ երկրներ պայմանավորվել են տասը տարի հետո անցնել միասնական արժույթի: Այդ մասին, ինչպես տեղեկացնում Է «Արմենպրես»-ը, հայտնել Է Քենիայի նախագահ եւ հանրակցության ղեկավար Ուխուրու Քենիատան:
Քենիան, Ուգանդան, Տանզանիան, Ռուանդան եւ Բուրունդին համապատասխան արձանագրություն են ստորագրել Ուգանդայի մայրաքաղաք Կամպալայում:
«Այժմ մենք ունենք ինտեգրացման անհրաժեշտ շրջանակները: Հանրակցությունը կազատվի արժույթների փոխանակման ծախսերից եւ դրանով իսկ կնվազեցնի գործարքավարությունների ծախսերը: Բիզնեսի համար ավելի դյուրին կլինի առեւտուր անելը, իսկ օտարերկրյա ներդրողները մեր տարածաշրջանում ներդրումներ կատարելու լրացուցիչ խթան կունենան»,- հայտարարել Է Քենիատան:
ԻՏԱՌ-ՏԱՍՍ-ը նշում Է, որ Արեւելաաֆրիկյան հանրակցությունն ստեղծվել Է 13 տարի առաջ եւ արդեն ունի ընդհանուր շուկա եւ մաքսային միություն: