1 րոպեի ընթերցում
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ։ Միացյալ Նահանգները զիջում է Չինաստանին Աֆրիկայում կատարված ներդրումների չափով։ Այս մասին BBC-ին տված հարցազրույցում ասել է ԱՄՆ նախկին նախագահ Բիլ Քլինթոնը։ Ըստ նրա, Վաշինգտոնը Պեկինից առաջ է անցնել միայն աֆրիկյան պետություններում առողջապահության ոլորտի ներդրումներով։
«Արմենպրես»-ի հաղորդմամբ՝ Քլինթոնը նշել է, որ ԱՄՆ-ն ոչ բավարար գումար է ծախսում ենթակառուցվածքների զարգացման եւ տնտեսական աճի խթանման համար։ Այնուամենայնիվ, նախկին նախագահը, որի բարեգործական հիմնադրամը Աֆրիկայում զբաղվում է մի շարք ծրագրերի իրականացմամբ, կարծում է, որ ապագայում Չինաստանը եւ Միացյալ Նահանգները կարող են գործընկերներ դառնալ տարածաշրջանում՝անցյալումթողնելով մրցակցությունը։