1 րոպեի ընթերցում
ՎԱՇԻՆԳՏՈՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի փոխնախագահ Ջո Բայդենը կոչ է արել Իրաքի վարչապետ Նուրի Մալիքիին համագործակցել երկրի մյուս քաղաքական ուժերի հետ, որպեսզի թույլ չտրվի միջկրոնական թշնամանքի վերսկսում:
Ավելի վաղ Իրաքի դատական իշխանությունները երկրի փոխնախագահ Թարիք Հաշեմիի ձերբակալման կարգադրագիր են տվել, որը ներկայացնում է Իրաքի սուննիների մեծամասնությունը:
Իրաքի ներքգործնախարարության պաշտոնական հայտարարության համաձայն' ալ Հաշիմին կասկածվում է ահաբեկչական գործունեության մեջ: Պետական հեռուստատեսությունը հաղորդել է այն մարդկանց ցուցմունքները, որոնք ներկայացել են որպես Հաշիմիի թիկնապահներ: Նրանք խոստովանել են, որ Բաղդադում սպանում էին արտաքին գործերի եւ առողջապահության նախարարությունների աշխատակիցների, ինչպես նաեւ ոստիկանների: Նրանց խոսքով' յուրաքանչյուր ահաբեկության համար իրենք փոխնախագահից 3 հազար դոլար էին ստանում:
Հաշեմին մերժել է իրեն հասցեագրված մեղադրանքները եւ հայտարարել, որ երկիրը հերթական միջկրոնական հակամարտության եզրին է:
Սուննի քաղաքական գործիչները վարչապետ Նուրի Մալիքիին, որը շիաների կրոնական ավանդույթի հետեւորդ է, մեղադրում են անձնիշխանություն հաստատելու մեջ: