Հայաստանում լեռնամետալուրգիական ոլորտի վերլուծական կենտրոն կստեղծվի

Հայաստանի տարածքային կառավարման և ենթակառուցվածքների նախարարության և Հայաստանի հանքագործների և մետալուրգների միության միջև հոկտեմբերի 17֊ին Ծաղկաձորում ստորագրվեց փոխըմբռնման հուշագիր՝ լեռնամետալուրգիական ոլորտի վերլուծական կենտրոնի (think tank) ստեղծման ուղղությամբ համագործակցության վերաբերյալ։

«Արմենպրես»-ի թղթակիցը իրադարձության վայրից հաղորդում է, որ նախապես ստորագրված փաստաթղթերը «Մայնինգ Արմենիա 2026» ֆորումի ընթացքում փոխանակեցին ՏԿԵ նախարար Դավիթ Խուդաթյանը և վերոնշյալ միության նախագահ Վարդան Ջհանյանը։

Կենտրոնը կծառայի որպես հետազոտությունների, քաղաքականության վերլուծության և պետական ու մասնավոր հատվածների երկխոսության համատեղ հարթակ՝ նպաստելով հիմնավորված որոշումների կայացմանը և ոլորտի կայուն զարգացմանը։

Մինչ այդ Վարդան Ջհանյանը իր ելույթում հայտարարեց, որ 2027 թվականին Հայաստանի հանքարդյունաբերության ոլորտն ապահովելու է 3 մլրդ դոլարի արտահանում։