Հայաստանի տարածքային զարգացման հիմնադրամի պատվիրատվությամբ Շիրակավանում նոր դպրոց է կառուցվում
1 րոպեի ընթերցում
ՀՀ կառավարության կողմից իրականացվող «300 դպրոց, 500 մանկապարտեզ» լայնածավալ կրթական ծրագրի շրջանակում և Հայաստանի տարածքային զարգացման հիմնադրամի (ՀՏԶՀ) պատվիրատվությամբ Շիրակի մարզի Շիրակավան բնակավայրում հիմքից կառուցվում է նոր դպրոց։ Ինչպես «Արմենպրես»-ը տեղեկանում է Շիրակի մարզպետի աշխատակազմից, կրթօջախի կառուցման նախագծի պայմանագրային ընդհանուր արժեքը կազմում է 2 միլիարդ 729 միլիոն 381 հազար դրամ։
Նոր դպրոցը նախատեսված է ապահովելու ժամանակակից, հարմարավետ և անվտանգ կրթական միջավայր՝ հագեցած արդիական ենթակառուցվածքներով, ինչպես նաև աշակերտների լիարժեք ուսումնառության և զարգացման համար անհրաժեշտ բոլոր պայմաններով։