Մարզեր

Գտաշեն-Կամխուտ ճանապարհի կամրջի հիմնանորոգման աշխատանքներն ավարտական փուլում են

1 րոպեի ընթերցում

Գտաշեն-Կամխուտ ճանապարհի կամրջի հիմնանորոգման աշխատանքներն ավարտական փուլում են

Շիրակի մարզի Գտաշեն-Կամխուտ ավտոճանապարհի կամրջի հիմնանորոգման շինարարական աշխատանքներն ակտիվ փուլում են և կավարտվեն առաջիկայում։ «Արմենպրես»-ին Ամասիայի համայնքապետարանից տեղեկացնում են, որ համայնքի երկու հատվածներն իրար կապող և դեպի Կամխուտ տանող ռազմավարական նշանակություն ունեցող կամուրջը նախկինում գտնվում էր վթարային վիճակում. առանձին հատվածներում առկա էին փլուզումներ, ինչը լուրջ դժվարություններ էր ստեղծում երթևեկության և վարորդների անվտանգ տեղաշարժի համար։

Համայնքապետարանից տեղեկացնում են նաև, որ շինարարական աշխատանքների շրջանակում ապամոնտաժվել են կամրջի հին բետոնե հենասյուներն ու ծածկը, ներկայումս իրականացվում են նոր կառուցվածքի ամրացման աշխատանքները։ Ծրագրով նախատեսված է Գտաշեն-Կամխուտ (Տ-7-37) տեղական նշանակության ավտոճանապարհի կմ 2+300 հատվածում գտնվող՝ 3x5 մետր բացվածքով հավաքովի միասնականացված երկաթբետոնե խողովակի հիմնանորոգումը։

Ծրագրի ընդհանուր արժեքը կազմում է 58 միլիոն 623 հազար դրամ։ Աշխատանքներն ամբողջությամբ իրականացվում են ՀՀ պետական բյուջեի միջոցներո

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում