Մարզեր

Վարսերի մանկապարտեզի նորաբաց խումբն ապահովվել է ջեռուցման համակարգով և նոր գույքով

1 րոպեի ընթերցում

Վարսերի մանկապարտեզի նորաբաց խումբն ապահովվել է ջեռուցման համակարգով և նոր գույքով

Գեղարքունիքի մարզի Սևան համայնքի Վարսեր գյուղի մանկապարտեզի նորաբաց խումբն ապահովվել է ջեռուցման համակարգով և նոր գույքով։

«Արմենպրես»-ին Սևանի համայնքապետարանի աշխատակազմից տեղեկացրին, որ դեռևս սեպտեմբերին մանկապարտեզում նոր խմբի բացմանը զուգահեռ իրականացվել են մի շարք կազմակերպչական և տեխնիկական աշխատանքներ, խումբը համալրվել է անհրաժեշտ գույքով։

Այնուհետև նոր խմբասենյակում, ննջասենյակում, սանհանգույցներում, երկու դահլիճներում, ինչպես նաև միջանցքում տեղադրվել են ջեռուցման կաթսան և համապատասխան համակարգը։

Աշխատանքների իրականացման նպատակով համայնքի բյուջեից հատկացվել է 3 միլիոն 240 հազար դրամ։ Շինարարական աշխատանքներն իրականացրել է «ՄարտՇին» ՍՊԸ-ն։

«Ջեռուցման համակարգն արդեն գործարկվել է։ Վարսերցի փոքրիկներն իրենց նոր խմբասենյակում, ննջասենյակում և դահլիճում ձմեռը կանցկացնեն տաք ու ապահով պայմաններում»,-տեղեկացրել են Սևանի համայնքապետարանի աշխատակազմից։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում