Մարզեր

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

1 րոպեի ընթերցում

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

Ախուրյան, Կառնուտ, Հովիտ, Բասեն և Ջրառատ բնակավայրերը միացնող ճանապարհահատվածը հիմնանորոգվել և հանձնվել է շահագործման։ Ճանապարհի հիմնանորոգման համար ՀՀ կառավարությունը ծախսել է 680 միլիոն դրամ։

Ախուրյանի համայնքապետարանից «Արմենպրես»-ին տեղեկացրել են, որ հիմնանորոգվել է 14 կմ ճանապարհ։ Ճանապարհահատվածում ենթակառուցվածքային խնդիրների բացակայությունը հնարավորություն է տվել աշխատանքներն իրականացնել համեմատաբար կարճ ժամկետում։ «Ճանապարհի հիմնանորոգումը կապահովի ավելի հարմարավետ և անվտանգ տեղաշարժ, կդյուրացնի գյուղմթերքի իրացումն ու առևտուրը՝ նոր հնարավորություններ ստեղծելով բնակավայրերի տնտեսական զարգացման համար»,-նշել են համայնքապետարանից։

Ծրագրի երկրորդ փուլով ճանապարհը կշարունակվի և կմիանա Գյումրիին՝ կրկին ՀՀ կառավարության ծրագրով։ «Երկրորդ փուլում նախատեսվում է հիմնանորոգել շուրջ 6 կմ ճանապարհ։ Այդ հատվածում անհրաժեշտ են նաև ենթակառուցվածքների՝ կոյուղու, ջրատար համակարգերի և ստորգետնյա էլեկտրականության հետ կապված աշխատանքներ, ինչը ծրագրի իրականացումը կդարձնի ավելի երկարատև։

Երկրորդ փուլի աշխատանքների իրականացման մրցույթներն արդեն անցկացվել են»,-ավելացրել են Ախուրյանի համայնքապետարանից։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում