Մարզեր

Վարդենիս համայնքում կայացել է «Դպրոցականների վոլեյբոլի լիգա» մարզական խաղերի համայնքային փուլը

1 րոպեի ընթերցում

Վարդենիս համայնքում կայացել է «Դպրոցականների վոլեյբոլի լիգա» մարզական խաղերի համայնքային փուլը

Գեղարքունիքի մարզի Վարդենիս համայնքում ավարտվել են «Դպրոցականների վոլեյբոլի լիգայի» համայնքային փուլի խաղերը։

Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, մրցաշարն անցկացվել է տարիքային երկու խմբերի միջև, 9 թիմերի մասնակցությամբ։ Վոլեյբոլի լիգան անցկացվեց 2 տարիքային խմբերի դպրոցականների միջև։ Տարիքային առաջին խմբում, 6-7-րդ դասարանների աշակերտների մասնակցությամբ, 1-ին տեղը գրավել է Լուսակունքի միջնակարգ դպրոցի թիմը։ մրցանակային 2-րդ տեղը բաժին է հասել Վարդենիսի թիվ 2 հիմնական դպրոցի թիմին, 3-րդ տեղը՝ Շատջրեքի միջնակարգ դպրոցի թիմին։  

2-րդ տարիքային խմբում, 8-9-րդ դասարանների մրցապայքարում, դարձյալ հաղթող է ճանաչվել Լուսակունքի միջնակարգ դպրոցի թիմը։ Երկրորդ տեղը գրավել է Գեղամասարի միջնակարգ դպրոցի թիմը, 3-րդ տեղը՝ Վարդենիսի թիվ 2 հիմնական դպրոցի թիմը։

Մրցանակային տեղեր գրաված թիմերին ՀՀ ԿԳՄՍ  նախարարության կողմից հանձնվել են հավաստագրեր։

Համայնքային փուլում առաջին տեղ գրաված թիմերը կմասնակցեն մարզային փուլի մրցումներին։

Խոսրով  Խլղաթյան

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում