Մարզեր

Ծովինարում ոռոգման ջրատարի ներքին ցանց է կառուցվում

1 րոպեի ընթերցում

Ծովինարում ոռոգման ջրատարի ներքին ցանց է կառուցվում

Գեղարքունիքի մարզի Մարտունի համայնքի Ծովինար գյուղում ՀՀ կառավարության կողմից իրականացվող սուբվենցիոն ծրագրերի շրջանակներում 5 փողոցում կառուցվում է ոռոգման ջրատարի ներքին ցանց։

Ինչպես «Արմենպրես»-ին տեղեկացրեց Ծովինարի վարչական ղեկավար Արթուր Կարապետյանը, Ծովինարի ոռոգման ջրատարի ներքին ցանցի կառուցման ծրագրի պայմանագրային արժեքը կազմում է 130 միլիոն դրամ, որի 70 տոկոսը հատկացնում է ՀՀ կառավարությունը, 30 տոկոսը՝ Մարտունիի համայնքապետարանը։

Ծրագրով նախատեսված է ոռոգման ջրատարի ներքին ցանցի կառուցում Ծովինարի 5 տարբեր փողոցներում՝ երկաթբետոնե կիսախողովակներով, 1065 մետր ընդհանուր երկարությամբ։

Դեռևս սեպտեմբերին մեկնարակած շինարարական աշխատանքներն իրականացվել են շուրջ 80 տոկոսով։ Աշխատանքները նախատեսվում է ավարտել այս տարի։

Ծրագրի իրականացման արդյունքում 2027 թվականի ոռոգման շրջանի մեկնարկից ջուրը Ծովինարի 150 տնտեսության կմատակարարվի անկորուստ ու ժամանակին։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում