Մարզեր

Ամասիա համայնքի Բյուրակն և Բերդաշեն բնակավայրերում նորակառույց կրթական հաստատություններն արդեն պատրաստ են շահագործման

1 րոպեի ընթերցում

Ամասիա համայնքի Բյուրակն և Բերդաշեն բնակավայրերում նորակառույց կրթական հաստատություններն արդեն պատրաստ են շահագործման

Ամասիա համայնքի Բյուրակն բնակավայրի նորակառույց կրթահամալիրն ու Բերդաշեն բնակավայրի նորակառույց դպրոցն արդեն պատրաստ են շահագործման։ Կրթական հաստատությունները կառուցվել են պետական ծրագրերի շրջանակում՝ ապահովելով երեխաների կրթության համար ժամանակակից և բարեկարգ պայմաններ։

Ինչպես «Արմենպրես»-ին տեղեկացրին Շիրակի մարզպետի աշխատակազմից, Բյուրակնի նորակառույց կրթահամալիրը կառուցվել է ՀՀ կառավարության «300 դպրոց, 500 մանկապարտեզ» ծրագրի շրջանակում։ Շինարարական ծրագրի իրականացման համար պետական բյուջեից հատկացվել է 1 մլրդ 700 մլն դրամ։ Կրթահամալիրը նախատեսված է 280 աշակերտի և մանկապարտեզի սաների համար։

49e0afd2-a647-4928-b1f3-f17669a34387 (1).jpg

Բերդաշենի նորակառույց դպրոցի շինարարական ծրագրի արժեքը կազմել է շուրջ 697 մլն 700 հազար դրամ։ Նոր դպրոցը հնարավորություն կտա բնակավայրի երեխաներին կրթություն ստանալ ժամանակակից և բարեկարգ պայմաններում։

Ընդհանուր առմամբ, 2026 թվականին Շիրակի մարզում պետական բյուջեի միջոցներով իրականացվում է 17 դպրոցի կառուցման և վերանորոգման ծրագիր՝ 27 մլրդ 41 մլն 349 հազարդրամ ընդհանուր արժեքով։ Միաժամանակ կառուցվում և վերանորոգվում է 9 մանկապարտեզ՝ 3 մլրդ 849 մլն 906 հազար դրամ ընդհանուր արժեքով։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում