1 րոպեի ընթերցում
Ուկրաինայի նախագահ Վոլոդիմիր Զելենսկին այցելել է Դոնեցկի մարզ և հայտարարել, որ ռուսական զորքերը գարնանն այնտեղ նոր հարձակում են նախապատրաստում։
«Արմենպրես»-ի հաղորդմամբ՝ Զելենսկին «Ֆեյսբուք»-ի իր էջում տեսանյութ է հրապարակել, որը նկարահանվել է Դոնեցկի մարզի Դրուժկովկա քաղաքում՝ սիրահարների հուշարձանի մոտ։
Ուկրաինայի նախագահն իր տեսանյութում շնորհակալություն է հայտնել տարածքը պաշտպանող ուկրաինական ստորաբաժանումներին։
Նա նշել է, որ ռուսները չեն հրաժարվել պատերազմից, և Դոնեցկում գարնանը հարձակում են նախապատրաստում։ Զելենսկին կարևորել է, որ ուկրաինական զորքերի դիրքերը մնան ամուր՝ ստանալով բավարար մատակարարումներ։