1 րոպեի ընթերցում
Ուկրաինայի նախագահ Վոլոդիմիր Զելենսկին ժամանել է Դաունինգ սթրիթ՝ Մեծ Բրիտանիայի վարչապետ Քիր Սթարմերի և «Կամեցողների կոալիցիայի» մյուս առաջնորդների հետ հանդիպման համար։ «Արմենպրես»-ի փոխանցմամբ՝ այս մասին հաղորդում է BBC-ն։
Սթարմերը գրկախառնությամբ ողջունել է Զելենսկուն, երկու ղեկավարները մի քանի խոսք են փոխանակել և լուսանկարվել, որից հետո մտել են վարչապետի նստավայր։
Սթարմերին և Զելենսկուն այնուհետև կմիանան Դանիայի վարչապետ Մետե Ֆրեդերիկսենը, Նիդեռլանդների վարչապետ Դիկ Սխոֆը, ՆԱՏՕ-ի գլխավոր քարտուղար Մարկ Ռյուտեն։ Հանդիպմանն առցանց ձևաչափով կմիանա Ֆրանսիայի նախագահ Էմանուել Մակրոնը։
Այս հանդիպման ավարտից հետո տեղի կունենա «Կամեցողների կոալիցիայի» հանդիպումը, որին առցանց ձևաչափով կմիանան ևս 20 ղեկավարներ։
Մինչև Լոնդոն գալը Զելենսկուն Վինձորի ամրոցում ընդունել է Չարլզ 3-րդ թագավորը։