1 րոպեի ընթերցում
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Ճապոնիայի վարչապետ Սիգերու Իշիբան Ինդոնեզիա կատարած այցի ընթացքում ցանկություն է հայտնել աջակցել Ինդոնեզիայի զինված ուժերի զարգացմանը:
«Արմենպրես»-ի հաղորդմամբ, այս մասին հայտնել է Kyodo գործակալությունը:
«Ինդոնեզիայի նախագահ Պրաբովո Սուբիանտոյի հետ հանդիպման ժամանակ Իշիբան նշել է՝ քանի որ երկու երկրները կիսում են հիմնական արժեքները, Ճապոնիան նպատակ ունի հնարավորինս համագործակցել՝ օգնելու Ինդոնեզիային բարելավել իր պաշտպանական կարողությունները»,- գրել է գործակալությունը։