Երևանի Ղևոնդ Ալիշանի անվան թիվ 95 միջնակարգ դպրոցում գործարկվելու է էլեկտրական շչակ

ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: «Երևանի Ղևոնդ Ալիշանի անվան թիվ 95 միջնակարգ դպրոց» ՊՈԱԿ-ում հոկտեմբերի 24-ի ժամը 14։00-ից մինչև 14։30-ն ընկած ժամանակահատվածում անցկացվելու է «Քաղաքացիական պաշտպանության միջոցառումների կազմակերպումը և իրականացումը հակառակորդի հարձակման դեպքում» թեմայով հրամանատարաշտաբային ուսումնավարժություն, որի ընթացքում գործարկվելու է էլեկտրական շչակ։ «Արմենպրես»-ին այս մասին տեղեկացրին ՀՀ ներքին գործերի նախարարության փրկարար ծառայությունից՝ դպրոցի աշակերտներին և աշխատակիցներին խնդրելով չանհանգստանալ։