Նոր Խարբերդում կառուցվում է նոր մանկապարտեզ

Նոր Խարբերդում տեղի է ունեցել նոր մանկապարտեզի հիմնարկեքի արարողությունը, որի ընթացքում մեկնարկել են շինարարական աշխատանքները՝ ուղղված համայնքում նախադպրոցական կրթական ենթակառուցվածքների զարգացմանը։

«Արմենպրես»-ի փոխանցմամբ՝ այս մասին տեսանյութ է հրապարակել Երևանի քաղաքապետ Տիգրան Ավինյանը։

Նշվում է, որ սա այս տարվա ընթացքում կառուցվող երրորդ մանկապարտեզն է՝ շարունակելով պետական և համայնքային ծրագրերի շրջանակում իրականացվող նախադպրոցական կրթության հասանելիության ընդլայնման գործընթացը։

Նոր մանկապարտեզը նախատեսվում է կառուցել ժամանակակից չափանիշներին համապատասխան՝ ապահովելով լուսավոր, անվտանգ և հարմարավետ պայմաններ երեխաների համակողմանի զարգացման համար։