1 րոպեի ընթերցում
FILE PHOTO: European Union High Representative for Foreign Affairs and Security Policy Josep Borrell speaks to members of the media ahead of a EU-US Energy Council Ministerial Meeting in Brussels , Belgium April 4, 2023. Olivier Matthys/Pool via REUTERS
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Ուկրաինայի էներգետիկ կարողությունների 70 %-ը ոչնչացվել է։ «Արմենպրես»-ի փոխանցմամբ՝ այս մասին հայտնել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը։
Եվրամիության արտաքին գործերի նախարարների խորհրդի նիստին ժամանելիս Բորելն ասել է, որ ԵՄ արտգործնախարարները կքննարկեն Ուկրաինայի էներգետիկ ոլորտին աջակցության ուժեղացումը և Կիևին հակաօդային պաշտպանության միջոցների մատակարարումը։
«Ուկրաինայի հարցով այսօր երկու հիմնական խնդիր կա՝ փորձել խուսափել էներգահամակարգի ամբողջական ոչնչացումից: Ուկրաինայի էներգիայի արտադրության կարողությունների 70 %-ը ոչնչացվել է։ Հիմա ամառ է, բայց ձմռանն ամեն ինչ շատ ավելի բարդ կլինի: Ես անդամ երկրներին կոչ կանեմ ավելի շատ աջակցություն տրամադրել էլեկտրական ցանցը վերակառուցելու և փոխարինելու համար՝ ապահովելու ավելի շատ էներգիայի արտադրություն։ Երկրորդը հակաօդային պաշտպանության միջոցներն են», - ասել է Բորելը: