Արարատ Միրզոյանը ՀՀ-ԵՄ կապի ամրապնդման համար երախտագիտություն է հայտնել պաշտոնավարումն ավարտող Բորելին

ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ արտաքին գործերի նախարար Արարատ Միրզոյանը երախտագիտություն է հայտնել պաշտոնավարման ժամկետն ավարտող՝ Արտաքին հարաբերությունների և անվտանգության քաղաքականության հարցերով ԵՄ ներկայացուցիչ Ժոզեպ Բորելին՝ Հայաստան-ԵՄ գործընկերության ամրապնդման համար:

«Արմենպրես»-ի հաղորդմամբ՝ այս մասին Արարատ Միրզոյանը գրառում է կատարել X-ի միկրոբլոգում:

«Քանի որ ավարտում եք Արտաքին հարաբերությունների և անվտանգության քաղաքականության հարցերով ԵՄ ներկայացուցչի պաշտոնավարման ժամկետը, ես իմ երախտագիտությունն եմ հայտնում Ձեզ, մեր ընդհանուր արժեքներին նվիրվածության և Հայաստան-ԵՄ գործընկերությունն ավելի ամուր դարձնելու համար:

Սրանք դժվար ժամանակներ էին, հսկայական մարտահրավերներով, որոնք պահանջում էին աննախադեպ ջանքեր:

Մենք հասել ենք ԵՄ-ի հետ Հայաստանի մերձեցման նոր հանգրվանների, և ես անհամբեր սպասում եմ ԵՄ-ի հետ այդ ուղու շարունակմանը»,- նշել է Միրզոյանը:

Dear @JosepBorrellF, as you finish the term as #EU HR for Foreign & Security Policy, I express appreciation for dedication to our shared values & commitment to make 🇦🇲-🇪🇺 partnership
stronger.

These were difficult times, with huge challenges, requiring unprecedented efforts.… pic.twitter.com/EUG3ekqebF

— Ararat Mirzoyan (@AraratMirzoyan) December 1, 2024