1 րոպեի ընթերցում
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: ԱՄՆ-ի և ԵՄ-ի ռազմական արդյունաբերության ներկայացուցիչները հրավիրված են ՆԱՏՕ-ի պաշտպանության նախարարների՝ հունիսի 15-ին Բրյուսելում կայանալիք հանդիպմանը՝ քննարկելու Ատլանտյան օվկիանոսի երկու կողմերում արդյունաբերության ռազմականացման հարցը: Ինչպես «Արմենպրես»-ը տեղեկանում է ТАСС-ից, այդ մասին այսօր հայտարարել է ՆԱՏՕ-ի գլխավոր քարտուղար Յենս Ստոլտենբերգը՝ ժամանելով ԵՄ պաշտպանության նախարարների հանդիպմանը։
«Ես որոշել եմ Ատլանտյան օվկիանոսի երկու կողմերի արդյունաբերության ներկայացուցիչներին հրավիրել ՆԱՏՕ-ի պաշտպանության նախարարների հանդիպմանը՝ քննարկելու արտադրության ընդլայնման հարցը», - ասել է Ստոլտենբերգը։
Նա ընդգծել է, որ ՆԱՏՕ-ի երկրները «պետք է ընդլայնեն իրենց ռազմական արտադրությունը, որպեսզի միաժամանակ զենք մատակարարեն Ուկրաինային և համալրեն սեփական պաշարները»: