Արայիկ Հարությունյանը 72 աշակերտի հանձնեց առարկայական օլիմպիադաների առաջին կարգի դիպլոմներ
1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: ՀՀ կրթության և գիտության նախարար Արայիկ Հարությունյանը դիպլոմներ հանձնեց առարկայական օլիմպիադաների հանրապետական փուլում հաղթած դպրոցականներին:
«Արմենպրես»-ի հաղորդմամբ՝ 16 առարկայից հանրապետական փուլին մասնակցած 1568 աշակերտից 72-ն արժանացել են առաջին կարգի դիպլոմի:
Նրանցից 201-ն արժանացել է երրորդ կարգի, 114-ը՝ երկրորդ կարգ դիպլոմի:
«Ինձ համար մեծ պատիվ է տարբեր առարկաներից լավագույն ցուցանիշներ ունեցող աշակերտներին պարգևներ հանձնել, որովհետև այսուհետև և ընդմիշտ Հայաստանի Հանրապետությունում առաջնային են լինելու կրթությունը և գիտելիքը»,- նշեց Հարությունյանը:
Նա վստահություն հայտնեց, որ առաջիկայում այդ աշակերտները ԲՈՒՀ-եր են ընդունվելու և ավելի մեծ հաջողություններ են ունենալու:
2018-2019 ուսումնական տարվա դպրոցականների օլիմպիադաներին մասնակցել է 57 000 աշակերտ: Դպրոցական օլիմպիադաներ կազմակերպվում են 16 առարկայից, որոնցից մաթեմատիկա, ֆիզիկա, քիմիա, կենսաբանություն, աստղագիտություն, ինֆորմատիկա և աշխարհագրություն առարկաներից: Դիպլոմների հանձմանը ներկա էին նաև աշակերտների ծնողները: Դիպլոմների հանձնման արարողությունից հետո նախարարը լուսանկարվեց աշակերտների և նրանց ծնողների հետ: