Վլադիմիր Պուտինը ստորագրել է կեղծ լուրերի և պետությանը վիրավորելու դեմ պայքարի մասին օրենքները
1 րոպեի ընթերցում
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Ռուսաստանի Դաշնության Վլադիմիր Պուտինը ստորագրել է կեղծ լուրերի դեմ պայքարի, դրանց համար նախատեսվող տուգանքների, ինչպես նաև պետության և հասարակության նկատմամբ վիրավորանք պարունակող տեղեկատվության տարածմանը հակազդող օրենքները: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ն, համապատասխան փաստաթղթերը հրապարակվել են իրավական տեղեկատվության պաշտոնական կայքում:
Փաստաթուղթը առաջինը ներկայացրել են Պետդումայի սենատորներ Անդրեյ Կլիշասը և Լյուդմիլա Բոկովան, ինչպես նաև պատգամավոր Դմիտրի Վյատկինը:
Փաստաթուղթը սահմանում է այն տվյալների հասանելիության սահմանափակման կարգը, որոնք անբարեխիղճ ձևով վիրավորում են մարդկային արժանապատվությունը և հասարակության բարոյականությունը, հասարակության և պետության նկատմամբ ակնառու անարգանք են արտահայտում, նաև պետական խորհրդանիշների, Սահմանադրության ու պետական իշխանությունը իրականացնող մարմինների նկատմամբ: