Շիրակի մարզպետը Սերժ Սարգսյանի քայլը քաղաքական համարձակ քայլ է համարում

2 րոպեի ընթերցում

ԳՅՈՒՄՐԻ, 24 ԱՊՐԻԼԻ, ԱՐՄԵՆՊՐԵՍ: Շիրակի մարզպետն ու Գյումրու քաղաքապետը բարձր գնահատական են տալիս Սերժ Սարգսյանի կատարած քայլին:

«Ես կարծում եմ, այդ քայլն իր մեջ որոշակի քաղաքական համարձակություն է ենթադրում: Իհարկե, հասունության դրսևորում են հատկապես վերջին տողերը: Ընդհանրապես ընդունել սխալը և ետքայլ կատարելը խելամիտ դիրքորոշում է»,-լրագրողների հետ ունեցած ճեպազրույցի ժամանակ նշեց Շիրակի մարզպետ Արթուր Խաչատրյանը:

Գյումրու քաղաքապետ Սամվել Բալասանյանը ևս կարևորեց Սերժ Սարգսյանի որոշումը: «Եթե Սերժ Սարգսյանն այլ քայլի գնար, անպայման արյունահեղություն էր լինելու: Մենք մարտի 1 ենք տեսել ու գիտենք, թե ինչ կարող էր տեղի ունենալ: Սա համազգային շարժում էր, և Սերժ Սարգսյանն իր մեջ ուժ գտավ ու կանխեց արյունահեղությունը: Սա ազնվության, սիրո ու համախմբման շարժում էր»,-հավելեց քաղաքապետը:

Ընդհանուր առմամբ, խոսելով կատարվածի մասին, Գյումրու քաղաքապետ Սամվել Բալասանյանն անկեղծացավ, որ չէր սպասում դեպքերի նման հանգուցալուծման: «Ճիշտն ասած, չէի սպասում, բայց տեսանք ինչպիսի վերջաբան ունեցավ այն: Ուրախ եմ, որ նման լավ սերունդ է մեծանում: Իսկ Գյումրիում նման ուրախություն երկար ժամանակ չէր եղել»,-փաստեց Սամվել Բալասանյանը:

Արմենուհի Մխոյան

Հայերեն

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների

ՃՇՀԱՀ-ի և ԿԳՄՍՆ Բարձրագույն կրթության և գիտության կոմիտեի միջև ստորագրվեց փոխըմբռնման հուշագիր

Նոյեմբերի 18-ի միջոցառումների անոնս

ԱՄՆ-ն ևս 4 ամսով Հունգարիային ազատել է ռուսական նավթի գնման համար գործող պատժամիջոցներից

ՄԻՊ աշխատակազմում հյուրընկալվել են «Խորհուրդ X» երիտասարդական կազմակերպության անդամները և ԵՊՀ ուսանողները

Թրամփը Թաիլանդի հետ համաձայնություն է ձեռք բերել ԱՄՆ-ից ներմուծվող ապրանքների նկատմամբ մաքսատուրքերի վերացման մասին

Սոնա Ղազարյանը հորդորել է երեխայի ծննդյան նպաստից գումար հատկացնել քարսիթի ձեռքբերմանը

Քաղաքաշինության կոմիտեում քննարկվել են բենզալցակայանների գործունեությունը կարգավորող իրավական դաշտի վերանայման հարցեր