Հարավաֆրիկայն Հանրապետությունը պաշտպանում Է ԲՌՀՉՀ-ի երկրների միասնական արժույթի ստեղծման գաղափարը. Mail & Guardian
3 րոպեի ընթերցում
ՄՈՍԿՎԱ, 21 ՆՈՅԵՄԲԵՐԻ, ԱՐՄԵՆՊՐԵՍ: Հարավային Աֆրիկայի Հանրապետությունը (ՀԱՀ) պաշտպանում Է փոխադարձ առեւտրի սպասարկման համար ԲՌՀՉՀ-ի (Բրազիլիա, Ռուսաստան, Հնդկաստան, Չինաստան եւ ՀԱՀ) երկրների միասնական արժույթի ստեղծման գաղափարը՝ չդիմելով եվրոյին կամ դոլարին: Այդ մասին գրել Է հարավաֆրիկյան Mail & Guardian թերթը՝ վկայակոչելով ՀԱՀ-ի առեւտրի եւ արդյունաբերության նախարար Ռոբ Դեւիսի հարցազրույցը:
ԲՌՀՉՀ-ի երկրներին բաժին Է ընկնում միջազգային պահուստների կեսը, ընդ որում, որ ԱՄՆ-ի եւ Եվրոպայի համանման ցուցանիշները նվազում են, նշել Է թերթը:
Առաջին անգամ միասնական արժույթի գաղափարը հնչել Է 2011 թվականի ապրիլին ՉԺՀ-ի նախաձեռնությամբ: Մինչդեռ նման նախաձեռնությունը կարող Է դժգոհություն հարուցել եվրոգոտու ճգնաժամի պայմաններում, որը կասկածի տակ Է դրել միասնական արժույթի կիրառման ճշտությունն առանց միասնական հարկա-բյուջետային վերահսկողության:
Դեւիսի խոսքով՝ փոխարկելի արժույթների այլընտրանքն առաջնահերթություն Է ԲՌՀՉՀ-ի համար: «Օրակարգի գլխավոր հարցերից մեկը մեր միջեւ առեւտուրն Է՝ առանց երրորդ երկրների արժույթներին եւ դոլարի ու եվրոյի նման փոխարկելի արժութներին դիմելու, որոնց փոխարժեքները մեծ անկայունություն են ցուցաբերում»,- նշել Է Դեւիսը:
Չնայած այն հանգամանքին, որ միասնական արժույթի սահմանումը «երկարաժամկետ ծրագիր» Է, Դեւիսը նշել Է, որ կարող Է ձեռք բերվել ժամանակավոր «հաշվանցումային համաձայնություն», որպեսզի ԲՌՀՉՀ-ում դոլար եւ եվրո չօգտագործվի առեւտրի բնագավառում: Դեւիսը չի ճշտել, թե ենթադրվում Է արդյոք ստեղծել միասնական արժույթ թե որպես միասնական արժույթ օգտագործել ԲՌՀՉՀ-ի երկրների արժույթներից մեկը: Պեկինը չի թաքցնում իր այն պլանները, որ չինական յուանը փոխարինելու գա դոլարին՝ որպես համաշխարհային արժույթի:
Միասնական արժույթի վերաբերյալ առաջարկությունները կքննարկվեն ԲՌՀՉՀ-ի գագաթնաժողովում, որը տեղի կունենա 2012 թվականին Հնդկաստանում:
Այս ուղղությամբ որաշակի քայլեր ԲՌՀՉՀ-ի երկրները կատարել են, երբ 2011 թվականի հոկտեմբերին դրանց ֆոնդային սակարանները համաձայնագիր կնքեցին խաչաձեւ ցանկագրման (քրոս-լիստինգի) մասին. ԲՌՀՉՀ-ի դերիվատիվների միագումար կապիտալացումը գնահատվում Է 9 միլիարդ դոլար:
Մի շարք վերլուծաբանների կարծիքով՝ ԲՌՀՉՀ-ի երկրների միասնական արժույթն օգտակար կլինի, քանի որ փոխադարձ առեւտրի բնագավառում կթուլացնի կախվածությունը դոլարից եւ եվրոյից, բայց դրանցից լիովին հրաժարվելու համար կարող Է շատ ժամանակ պահանջվել:
Միասնական արժույթի հակառակորդները նշում են, որ ԲՌՀՉՀ-ի երկրների միջեւ, ամբողջությամբ վերցված, չկա պաշտոնական առեւտրական համաձայնագիր, եւ միասնական արժույթի մասին խոսակցությունները վաղաժամ են: