IRI-ի նոր հարցման համաձայն՝ ընտրությունների անցողիկ շեմը հաղթահարում է միայն ՔՊ-ն
2 րոպեի ընթերցում
Միջազգային հանրապետական ինստիտուտը (IRI) հրապարակել է Հայաստանում կայանալիք խորհրդարանական ընտրությունների վերաբերյալ նոր հարցման տվյալները։
«Արմենպրես»-ի փոխանցմամբ՝ հարցին, թե որ քաղաքական ուժի օգտին են քվեարկելու հունիսի 7-ին, հարցվածների 38 տոկոսը նշել է իշխող «Քաղաքացիական պայմանագիր» կուսակցությունը։
«Ուժեղ Հայաստան» դաշինքին նշել է հարցվածների 7 տոկոսը, իսկ «Հայաստան» դաշինքի օգտին պատրաստվում է քվեարկել հարցվածների 4 տոկոսը։
Հարցվածներից 2-ական տոկոսը նշել են «Հայաստանի շնորհապետական» կուսակցությունն ու «Բարգավաճ Հայաստան» կուսակցությունը։
1-ական տոկոսն էլ ասել է, որ կքվեարկի «Միասնության թևեր» ու ԴՈԿ կուսակցությունների օգտին։
Հարցվածների 20 տոկոսն ասել է, որ չի կողմնորոշվել, իսկ 23 տոկոսը հրաժարվել է պատասխանից։
Հարցումը իրականացվել է հեռախոսազանգի միջոցով, մայիսի 5-11–ը։
Հայաստանի օրենսդրության համաձայն՝ խորհրդարանական ընտրությունների անցողիկ շեմը կուսակցությունների համար 4 տոկոս է, մինչև երկու կուսակցություններից բաղկացած դաշինքների համար 8, իսկ երեք և ավելի կուսակցություններից բաղկացած դաշինքների համար՝ 10 տոկոս։
Հայաստանում կայանալիք ընտրություններում առաջադրվել է 19 քաղաքական ուժ՝ 17 կուսակցություն և 2 դաշինք։
«Հայաստան» դաշինքը բաղկացած է երկու կուսակցությունից և նրան անցողիկ շեմը հաղթահարելու համար պետք է 8 տոկոս ձայն, իսկ «Ուժեղ Հայաստան» դաշինքին պետք կլինի 10 տոկոս ձայն, քանի որ այն բաղկացած է երեք կուսակցությունից։
IRI-ի նոր հարցմամբ ընտրությունների անցողիկ շեմը հաղթահարում է միայն «Քաղաքացիական պայմանագիր» կուսակցությունը։