1 րոպեի ընթերցում
Թուրքիայի նախագահ Ռեջեփ Թայիփ Էրդողանը չի հրավիրվել Կիպրոսում ապրիլի 23-24-ը կայանալիք Եվրամիության հերթական գագաթնաժողովին։ «Արմենպրես»-ի հաղորդմամբ՝ այս մասին հայտնում է Euractiv-ը՝ վկայակոչելով ԵՄ պաշտոնյաներին։
Լավատեղյակ աղբյուրը լրատվամիջոցին հայտնել է, որ Թուրքիայի նկատմամբ Բրյուսելի վերաբերմունքի ակնհայտ փոփոխությունը մեծապես պայմանավորված է Անկարայի և Թեհրանի միջև սերտ կապերով։
Մինչդեռ, ԵՄ հարցերով Կիպրոսի նախարար Մարիլենա Ռաունան Էրդողանին չհրավիրելու հանգամանքը պայմանավորել է «անորոշ աշխարհաքաղաքական զարգացումներով»։
Լրատվամիջոցը նաև նշում է, որ ապրիլի 24-ին գագաթնաժողովում ներկա են գտնվելու Լիբանանի, Հորդանանի, Եգիպտոսի և Սիրիայի առաջնորդները, ինչպես նաև Պարսից ծոցի երկրների համագործակցության խորհրդի գլխավոր քարտուղարը։