1 րոպեի ընթերցում
Մոսկվայում Հայաստանի Հանրապետության դեսպանության Մշակութային կենտրոնի նոր նախաձեռնության՝ «Երիտասարդական ինտելեկտուալ հարթակ»-ի շրջանակում կայացել է «Մեր շունչը» հայկական պոեզիայի երեկոն, որի կազմակերպիչն էր «SERUND» հայկական երիտասարդական կազմակերպությունը։
Մոսկվայում «Արմենպրես»-ի թղթակցի փոխանցմամբ՝ երեկոն վերածվել էր խոսքի և ներշնչանքի իսկական տոնի՝ համախմբելով պոեզիայի և երաժշտության սիրահար ստեղծագործ մարդկանց։
Միջոցառման ստեղծագործական ծրագրին մասնակցել են ՀՀ դեսպանության մշակութային կենտրոնի մեներգչուհի Ֆլորա Նազարյանը, միջազգային և համառուսական մրցույթների ու փառատոնների բազմակի մրցանակակիր, Մոսկվայի քաղաքապետի 2025 թվականի մշակույթի և արվեստի ոլորտի դրամաշնորհի դափնեկիր Ռաֆայել Սարգսյանը, ինչպես նաև «Վիկտորիա» համույթի ղեկավար Գայանե Կոստանյանը։ Երեկոյի ընթացքում ներկայացվել է նաև ծրագրի շրջանակում լույս տեսած «Մեր շունչը» առաջին ժողովածուն, որը ներառում է հայ երիտասարդ հեղինակների լավագույն ստեղծագործությունները։