1 րոպեի ընթերցում
Կատարը և Ուկրաինան պաշտպանական համագործակցության վերաբերյալ համաձայնագիր են ստորագրել։
«Արմենպրես»-ի հաղորդմամբ՝ այս մասին հայտնում է Կատարի Պետության պաշտպանության նախարարությունը։
Նշվում է, որ համաձայնագիրը ներառում է հրթիռների և անօդաչու թռչող սարքերի համակարգերի հակազդման ոլորտում փորձի փոխանակում։
Ավելի վաղ հաղորդվել էր, որ Ուկրաինայի նախագահ Վոլոդիմիր Զելենսկին Արաբական Միացյալ Էմիրություններ կատարած այցից հետո աշխատանքային այցով ժամանել է Դոհա։ Զելենսկին հայտարարել էր, որ իր թիմը երկրի պաշտոնյաների հետ ավարտին է հասցնում ԱՄԷ-ի հետ անվտանգության վերաբերյալ համաձայնագրի մնացած մանրամասները։