ՀԷՑ-ում ստեղծվել են հանձնաժողովներ «Վարդաշեն» ենթակայանում տեղի ունեցած վթարի հանգամանքները պարզելու համար

2 րոպեի ընթերցում

«Վարդաշեն» ենթակայանում տեղի ունեցած խոշորամասշտաբ վթարի հետևանքով առանց հոսանքի մնացած բաժանորդների էլեկտրամատակարարումը վերականգնվել է։ «Արմենպրես»-ի հաղորդմամբ՝ «Ֆեյսբուք»-ի իր էջում այս մասին գրել է «ՀԷՑ» ՓԲԸ ժամանակավոր կառավարիչ Ռոմանոս Պետրոսյանը։

«Այսօր՝ կեսգիշերն անց, սկսած 02:00-ից հերթականությամբ լարման տակ դրվեցին (էլեկտրամատակարարումը վերականգնվեց) ՀԷՑ-ի լիովին վերազինված և կարգաբերված «Վարդաշեն» ենթակայանից սնվող՝ նախօրեին վթարի հետևանքով հոսանքազուրկ մնացած շուրջ 11.500 բաժանորդները»,-գրել է Պետրոսյանը։

Ռոմանոս Պետրոսյանը հայտնել է, որ իր կարգադրությամբ ՀԷՑ-ում ձևավորվել է երկու առանձին հանձնաժողով՝ Անվտանգության և վերահսկողության տնօրինությունում և Տեխնիկական տնօրինությունում։ Հանձնաժողովները, իրարից անկախ ուղղություններով՝ անվտանգային-իրավական և էներգետիկ-տեխնիկական, իրականացնում են ներքին հետաքննություն՝ վթարի իրական պատճառները պարզելու, բոլոր հանգամանքները քննելու և հետագա ընթացքը պատշաճ կարգավորելու նպատակով։

Նրա խոսքով՝ զուգահեռաբար ստուգողական և կանխարգելիչ միջոցառումներ են իրականացվել նաև նմանատիպ այլ տասնյակ ենթակայաններում։

«Կրկին անգամ հայցում ենք մեր քաղաքացիների ներողամտությունն ու ըմբռնումը ստեղծված իրավիճակով պայմանավորված՝ կրած անհարմարությունների համար։

Միևնույն ժամանակ, արժանին պետք է մատուցել և շնորհակալությունս եմ հայտնում ՀԷՑ-ի հարյուրավոր աշխատակիցներին ու գործընկեր կազմակերպությունների տասնյակ մասնագետներին՝ 48 ժամից ավելի անխոնջ աշխատանքի և նվիրական ջանքի համար»,-գրել է Պետրոսյանը։

Ռոմանոս Պետրոսյանը նաև հայտնել է, որ նախատոնական և տոնական օրերին ՀԷՑ-ում սահմանվել է 24-ժամյա ուժեղացված հերթապահություն Երևանի բոլոր շահագործման շրջաններում և ՀՀ մարզերի էլեկտրացանցերում՝ քաղաքացիների անխափան էլեկտրամատակարարումն ապահովելու նպատակով։

Նրա խոսքով՝ տոնական օրերին չեղարկվել են նաև բոլոր պլանային անջատումները՝ բացառությամբ վթարային անհրաժեշտությամբ պայմանավորված դեպքերի։

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը