1 րոպեի ընթերցում
Իսրայելը հայտնում է Հայֆա քաղաքից արևելք գտնվող Թամրա բնակավայրում Իրանի բալիստիկ հրթիռի հարվածի հետևանքով 1 զոհի ու վիրավորների մասին։
«Արմենպրես»-ի փոխանցմամբ՝ ինչպես հայտնում է The Times of Israel-ը, իրանական բալիստիկ հրթիռը Թամրայում հարվածել է երկհարկանի տանը, ինչի հետևանքով 1 կին մահացել է, ևս 13 մարդ վիրավորվել։
Ավելի վաղ հայտնի էր դարձել, որ Իրանը հրթիռային հարվածների նոր ալիք է սկսել Իսրայելի դեմ։ Իրանական IRNA գործակալությունը հաղորդել էր իսրայելական Հայֆա քաղաքում ուժեղ պայթյունների մասին։